NEWCASTLE 飲茶濕平 + IKEA

因為再推遲三個星期先搬去倫敦，所以我地一直留係NORTH EAST既屋企, 日日二人世界。不過豆先生都好體貼，怕我悶，所以就話如果星期三好天就去NEWCASTLE唐人街(我當然舉手贊成 )

昨日(星期三)又真係幾好天喎，咁就十一點出發，先去GATEHEAD既IKEA入貨先 - 主要係想買畫框，FOR上次去泰國行翟道翟巿場買個幅畫。

就係呢個畫框 £20.42

 仲 買左個JAR (£1.83)打算自家醃咸蛋，特價蘋果味乾花 (£0.99)，見到有花花種子係室內種植又唔貴喎 (£0.99)，咁就買盒玩下啦。埋單計數顯示盒種子要£3.11, 唔通搞錯? 即時問下職員，好好人既職員姐姐話你要有FAMILY CARD先係呢個價，佢用佢身上個張咭幫我地過機，咁就計番我地£0.99

行完IKEA再渣10分鐘車就去到NEWCASTLE，我地每次都係泊同一個停車場，因為距離唐人街唔遠而且收費平 (1小時£0.8，24小時只需£4 - 比起我地上次去LEEDS平好多)

今次都係去番PALACE皇宮 (唔知有無記錯個名) 因為食過3次都覺得出品OK而且唔會好嘈，味道都算港式。

叫左叉燒腸 £3.1，夠鑊氣既乾炒牛河£9 (我自己係屋企點都炒唔到呢個水準)

 飲茶必點既蝦餃£3.1

 仲試左個紫菜卷£3.1，未點之前我有問過部長，佢話就係紫菜包住海鮮黎炸，咁我就一廂情願以為同澳門食個D一樣。點知原來呢個係英國鬼佬版，外面加左層粉漿，好似炸魚咁 我平時食FISH & CHIP都唔多食個層"炸物"，不過就啱晒豆先生胃口。

 

碟炒河咁大碟我地梗係食唔晒，所以我打包留返今日中午。

食飽就埋單落樓，酒樓隔雜就係中式超巿

去親中式超巿都會買本東周刊睇下八卦"舊"聞。

 
咁多樣野，枇杷膏係最貴£5.25 但有成300ML, 我上次係倫敦唐人街買過一支150ML要差不多£4。其實相對鬼佬咳水佢唔算貴。

唐人街附近建築。

 

返到屋企即時裱起幅畫，我地兩個都滿意。