記得格價

尋日鋪好地氈後, 今日又要再執埋D垃圾去垃圾站 (如果要地氈公司清走又要計錢)

搞掂垃圾後我地就去FOOD SHOPPING, Sainsbury's 同 Tesco 就係垃圾場附近, 兩間都係新開, 仲要對到正打對台, 不過我地多數都去Sainsbury's, 因為我地唔鍾意呢間Tesco, 豆先生嫌佢趕開張格局, 直頭好似個貨倉咁.

見呢個FILTER特價, 話平3分之1喎, 平時一個要5鎊, 宜家18鎊有6個, 即買.

本來想買壽司紫菜, 點知居然無. 結果再去埋對面Tesco.

口痕想買零食, 俾我見到嘉頓薄餅, 即入.

見到頭先買既同一款filter, TESCO只係賣15鎊, 即係蝕左3鎊, 肉痛. 點解唔格下價先買.

埋單用club card儲分, 仲有張voucher送, 每買滿20鎊或以上可以減3鎊, 而且係可以係有效期前重覆使用. SO呀!

見豆先生想買好耐的GT5, 做緊特價36鎊, 有voucher在手, 即時番入去買埋佢.

今日同個3字特別有緣.