Pirates of the Caribbean 4 同埋 The hangover part 2。上網查戲院後, 我們決定看PIRATES的IMAX 3D版本, 因為後者係喜劇, 遲些DVD發行時再看都不遲, 但前者是3D而家裡也看不到這效果。在網上訂好戲票之後就開車出發去METRO CENTRE了。
METRO CENTRE曾經是歐洲最大型的SHOPPING MALL, 分紅、黃、藍、綠四區。我們如果要買衫SHOPPING睇戲多數會來這裡。由家裡開車出發約40分鐘到。
電影於下午2:25開場，我們中午1:00到達，沒打算買戲院的爆谷零食進場(一盒索價6鎊有多，暫時係我在英國見過最貴的爆谷)。所以先去戲院對面的YO SUSHI!醫肚
壽司特價，圖中MENU所見全部£2.3(碟)
唔記得叫什麼名，牛肉有點"UN"但算過得去
三文魚剌身，抵食
呢碟壽司叫做炸蝦牛油果卷，外面圍住一層綠色的色素就係牛油果! 炸蝦就梅梅爛爛，失敗!
加洲卷，我唔要求高, 但都唔好咁求其用蟹柳搭夠，青瓜都無粒，俾多少誠意，唉!
海草，過得去。
鴨肉餃子，用焗爐砲制，內裡鴨肉係平時超時買個種北京鴨，而且配埋海鮮醬。完全英式口味。
椒魷魚，呢種幾好味喎。
甜品我地點左個草餅，都OK, 個皮唔算好甜。
不過我唔多夠喉，再來一個加洲手卷。之前個加洲卷就一件得蟹柳，一件得蟹柳加粒蛋，而呢個手卷就有兩條仔牛油果加蟹柳。
之不過咁，始終我地係英國對亞洲食品就唔可以有太高要求，而且佢地又做緊特價。如果正價我就唔會叫咁多。(我地二人總共食了九碟，其實都唔算多
吃飽就夠鐘入場了，入場前門口有專人派IMAX專用眼鏡，呢款眼鏡應該跟平時睇3D電影有些不同，因為唔可以折埋收藏。而差不多開場前，突然有個戲院職員係銀幕前出現講解一下睇IMAX 3D電影的注意事項。睇咁多次3D電影都係第一次遇上呢個情況。不過我都係第一次睇IMAX 3D (上個月曾經係相同戲院睇IMAX版既"SUCKER PUNCH"，銀幕太闊，眼睛要一段時間先適應)
職員先生大致所講, 覺得眼睛唔舒服, 頭暈就離開抖一抖，最緊要散場後交還個IMAX 3D眼鏡因為好貴.....
片長兩小時有多，最初真係很不適應, 後來才好一點。不過散場後我眼真的很攰而豆先生就見頭痛。可能跟我們坐得太前有關(因為我們買了前座位置諗住座位大D舒服D) 如果下次再有機會睇IMAX我一定唔贊成坐前座，又貴又辛苦。
睇完戲，既然係購物商場無理由空手而回，我又想一個人行下所以同豆先生兵分兩路
HOUSE OF FRASER差唔多全場都有折(兩日咁多)，POLO有7折，所以買左見TEE俾豆先生等佢下個月同班男仔朋友去西班牙旅行時有新衫著 (正價我就唔捨得買)
我都買左野俾自己，一對平平地PRIMARK拖鞋再加支BOURJOIS電動睫毛膏
上身效果都唔錯呀。
我都覺有時睇 3D 幾暈吓...
ReplyDelete[版主回覆05/28/2011 19:24:00]上次我睇AVATAR真係幾暈@@
我對英國啲亞洲食品,尤其係壽司！ 已經無乜奢望㗎喇！
ReplyDelete[版主回覆05/28/2011 19:25:00]我好多時都係屋企整壽司，我之前係香港CITY SUPER買左D壽司米帶黎英國，好食過超巿個D好多。宜家我都係呢邊中國超巿買錦字米整。好容易係太功夫。
係布吉睇3D, 全部人用一個出口走, 因為有人收眼鏡, 仲有個磁力探測機, 我 哋前面d人行過部 機响, 有個 C9袋走一幅, 以為神不知鬼不覺. 當場出羞.
ReplyDelete[版主回覆06/01/2011 17:33:00]個職員都同我地講千祈咪帶走，否則會追九條街 因為付眼鏡由美國運黎英國好貴。 題外話，早兩晚GORDON RAMSAY係電視介紹泰國食品，佢去清邁介紹一檔賣辣香腸好出名，唔知你有無試過?
唔知 喎 ! 我唔食豬, 牛. Hello 唔食辣. 所以一定未食過. 我試吓打聽 吓!
ReplyDelete[版主回覆06/02/2011 02:04:00]咁你地咪主要食雞同海鮮?
Hello 乜Q都食, 就係唔鍾意食菜, 我主要係食菜, 雞同海鮮係少許. 所以係屋企食中式要3個 餸先得, 每人一個鍾意食 嘅 餸, 加一個大家都鍾意食 嘅 餸. 好煩! 西式就多數用雞, 羊, 海鮮同蔬菜.
ReplyDelete所以大部份時間出街食簡單d, 各自叫自己 嘅 餸.
[版主回覆06/03/2011 02:44:00]我多數煮一個餸啱我地兩個人口味，因為我地兩個唔係食好多、我又懶唔想諗咁多。