芒果布甸

上星期見到SAMWEI既芒果布甸就心思思
以前係澳門整布甸就係用啫喱粉，不過英國就要中式超巿先有啫喱粉賣。
早幾日去過唐人街打算買粉，點知啫喱粉無晒只係得返羅X臣魚膠粉而且差不多2鎊一盒。咁貴當然唔買。

最後幫襯番英國超巿，俾我買到....
卡樂B蝦條

 仲有本GORDON食譜，3鎊平到笑

 

開工整布甸啦

材料跟原食譜大同小異，但我加左一隻雞蛋

芒果切好放模底。兩小包魚膠粉用小小熱水攪溶，再加雞蛋，然後加半盒芒果汁，半罐奶。前後都係用10分鐘。

  豋登登! 食時加少許花奶。YUM